منسدحه جدام التلفزيون .. مساء الخميس
و في ايدي مسباحي
ألفلف في قنوات الدولة الموقرة
رسيت على سما دبي
و أشوف بدو متيمعين
اللي يسمع يحس أنهم يضاربون
P :
يمكن فوق 15 ريال
مركبين لهم مايكرفون و يرمسون
عاد تخيلوا الوضع؟
كان من بينهم شاب صوته مزعج
صوت توه في عنفوان شبابه!
قلت ما أبدل القناة الا و جاكتنه
و سابتنه بالخير و عقب ببدل
قاهرني شكله مب مصدق مشارك في البرنامج
اذا أبى أوصف البرنامج
بقول ستار أكاديمي البدو
بس هو مسماه عزبة الميدان
LOL
شوي يلعبون كيرم
و يلعوزون الخيول
شوي يطبخون العشاء
شوي تبدأ المقالب
عاد تعال على غشمرة البدو
صدق ثقيلة
طيح ربيعه من على ظهر الخيل
LOL
يشلون و اللي يقصد
واللي يغني
واللي منخش في زاوية يرمس في التيلفون
واللي مسوي نفسه رومانسي يالس عند الضوء
و يلعب في الرمل
تحفففففففففففففففففففففففففة لا يفوتكم البرنامج
صدق مسوين لهم جو
بما أني متحلفة أطلع راعي الصوت
كان أجكه أخيرا
زووووووووووم الكاميرا عليه و هو ياكل موز
يخرب بيت عدوك
ثرثار و صوته صدق ازعاج
من شفته
حسيت صدق أنه ولدي
P :
عاد الله لا يراويكم شريط المسجات
البنات لاعبات دور فعال
عيون المنصوري
خشم الخاصوني
قلب بن دغيش
فديتك أهل المدام كلهم وياك!!
عاد عقب ما بردت قلبي و طلعته
بدلت القناة
و أحط على قناة دبي الرئيسية
و أشوف برنامجهم السخيف
غني خليجي اللي تحول لغني عربي
يعني لين متى؟
هاي النوعية من البرامج المصدية
أهدي أغنية الجسمي حق حبيبي و ريلي خالد
و أهدي أغنية راشد الماجد حق سالم و عبيد و عدنان
و لج يا مذيعتنا .. منورة الشاشة حبيبتي
و مدح في العراقية
و هي استغفر الله شو بنقول
يا الغالي .. مرحبا .. يا الشيخ .. حبايبنا أهل العاصمة
حتى تعلمت كيف ترطن اماراتي
قبل يوم حاطة بريسيز كان الزوووووم ما يقصر في ويهة
ألحين يوم شلته
زوم على جسمها
شوي تتساند على اليدار .. شوي توقف وقفة النص
يا ربي منو هالمحترم اللي يختارهم
و اللي يعد هاي النوعية من البرامج المصدية..!!
بالغلط عقب فريت الشارجة
فلسطين مب الشارجة
بس أكثر من جي ما بقول شيء ..!!
ختمتها على راس الخيمة
ايبااااااااااااااااااااه
من عقب أم كلثوم و خالتي قماشة
قاموا يحطون أغاني يديدة
حق الفرق الاماراتية..
طبعا أنا على
Mute
كله بصوب و يوم طاح عندهم الثلج
يصورون المناظر الخلابة و اليبال
و حاطين ميحد حمد
P :
بسني
و خلنا نسير للمهم
كيف تعرف انها اماراتية
أو اماراتي ..
هذا بعد تفحص جيدا بالأمس في القرية العالمية
نحن صمنا صمنا
و فطرنا آخر يوم في العالمية
من متى مبطلينها
على أخر يوم سرنا..
:
:
نبدأ بالبنات – الاماراتيات
كيف ينعرفون؟
اذا الجحال أو الآي لينر واصل لين الأذن
هاي اماراتية
اذا صبغة الشعر أشقر .. هاي اماراتية .. خص السمر
يعني لو ما يطيح عليهن بس لازم يواكبن الموضة
يا شنطتها شنطة دكتور .. أو شنطة صغيرة ضايعة تحت
باطها
لازم سكارف أحمر .. أو أي شيء فيه لون أحمر
اذا عباتها ما اطير في الهواء .. و لابسة بووت و تنور قصيرة
على بنطلون هاي مب بس قرنتي اماراتية
السماعة ما اطيح من الاذن .. و يا حبذا لو بطريقة الربط على الوجه
يعني من هالاذن داير الواير لين الاذن الثانية .. هاي اماراتية
اذا لابسة الساعة فوق العباء .. هاي اماراتية
اذا شيلتها ساري و شفافة و يبين الكليب الورد اللي على راسها
هاي اماراتية
اذا قصتها تبدأ من قمة راسها .. هاي اماراتية
اذا حاطة بس بريسيز حق الاسنان التحتية .. هاي بيور اماراتية
اذا ريحة البخور واصلة أفغانستان مب عمان .. هاي و أنت مغمض تقول
عنها اماراتية
اذا تزاعج على ربيعاتها عتوقققققققققه ميثوووووووه فطامـــي
حمامه .. عاد لا تقولون مب اماراتية
على طاري حمامه .. كنت في القرية اللبنانية
يدش لكم هاك اللي يقول أنا
في كشك مال الاكسسورات
مخيل موليه و محمر
يقوله اللبناني تفضل
يرد عليه دام فضلك .. بغيت أسوي و يأشر على الاساور
قال شو الاسم؟
قاله و هو يتأتأ من المستحى
حمامه
هو أنا مادري مستحي من الاسم
ولا مستحي لأنه طرى اسم الأهل و لا الحرمة و لا ربيعته مادري
المهم أنا ميوده عمري من الضحك
لا ألحين متعلمات على شيء بعد
بناطلين قصار تحت العباء
فصخيها مرة وحدة مب أحسن؟
و لازم لازم تسوق رنج و لا انفينتي
و اذا بحلقت في البنت الثانية من فوق
لين تحت عقب صاصرت ربيعتها
يعني أشكرا تحش ..هاي اماراتية
غتر ألوان على العباء
و لا جاكيت و سويتر فوق العباء
يعني غصب
Cool
:
:
ننتقل للاماراتي
خمس تيلفونات تطلع من مخباه
روووووووووووووووووووح و القلب داعيلك
P :
ألوان غريبة و عجيبة للكاندير
الجحال لاعب دور فعال .. و خصوصا اللي عيونه ناعسة
بريسيز من أولويات الشاب الاماراتي
يا تعديل من نتايج المدواخ أو دلع و منكر
الوزار مربعات .. كاروهات ..ناقص بس يسون لهم ديور و شانيل
معظم شبابنا قصار .. ف الله يعزكم النعال فيه كعب
شباب الخليج شعورهم سبايكي من جدام
بس شبابنا من وراء سبايكي ..لا تقولون كيف؟
سيروا العالمية و بشوفون
عيونهم خضر حمر زرق .. مادري .. يلبسون عدسات بعد
ما خلوا شيء حقنا
ساعة ألماس .. هذا مب بس الا اماراتي
طره على حياته .. يقولون علامة جمال
بس مكثرين هالأيام
شفايفه سود .. و لا ايده سوداء
من السجاير و المدواخ
بعد اذا ما يدوخ هذا مرابع ملائكة
قرعة .. مع احترامي الشديد .. الغترة
ما اطيح من على راسه
واذا شعره لين آخر رقبته ف أكيد زرع
لأن بناتنا يعانون من التصحر
كيف الشباب؟
و أخيرا تعلموا شبابنا
على قمصان الوردية
يا ويلي بس!!
(( مع ها .. نحن أطيب شعب .. لااااه؟ ))
; )
