قبل لا أدش في الموضوع
وصلتني رسائل عبر الايميل
تشيد بالتصميم و في نفس الوقت متولهة على كتاباتي
و في نفس الوقت مب قادرة تشارك و تعلق
كلكم على راسي
بس هناك نواقص و بتواصل مع الشركة
عسب يحلونها
اللي عنده ويندوز 7 .. بيشوف المدونة متلخبطة
و مب قادر يعلق .. لأن ويندوز 8 يدعم ال
CSS
و في نفس الوقت بامكانكم تشوفون المدونة بصحة و عافية
من خلال الموزيلا
عموما خلوني أتناقش ويا الشركة ..و أبشركم
نرد لموضوعنا الأساسي
PART ONE
تن تن تنا .. صوت مسج موبايلي كان
المرسلة خولة: نطلع نصيع هالويكيند .. عازمتنج
أنا: خير شو السالفة
خولة: ضايقة قومي نغير جو
أنا
I NEED IT
AS WELL
تن تن تنا .. صوت المسج مجددا
المرسلة رشا: ها بعدنا على الموعد
لحظتها ضربت يدي على الطاولة
سحقا .. نسيت موعدها
أنا: رشوي ترى خولة بتطلع بعد ويانا
لأجمع حينها راسين بالحلال
: )
رشا: خلاص قرروا و خبروني
أنا: تعالي وقفي سيارتج عند بيتنا.. بنطلع بسيارة وحدة
رشا: دلعوني .. حاطيني رئيسة شعبة .. أنتوا مروا علي
أنا: يهد .. أنزين .. مع أنج في جلعة ابليس .. بس تمونين
يا أم براطم
رشا: هاهاها ..الساعة 6
أنا: ان شاء الله
أرسل مجددا رسالة لصديقتي خولة
أنا: ترى رشوي بتي
خولة: انزين مري علي أنا صايمة
أنا: توج تقولين عازمتني .. ألحين مري
خولة: هاهاها .. خلينا نصيع بالأودي
أنا: اليوم
Both of us
مودنا ضارب .. شو رأيج نخربها؟
خولة: تلميذتج فوقه ها ها ها
بقى علينا أن نحدد المكان
يصلني مسج .. نسير الفيستفال
أرد عليها .. كريه ما أحبه .. يايبلي الحزن هذا السنتر
و الضغط و كل شيء
يهدأ الحال
لأرسل مسج صاروخي لهم
يا عوانس .. شو رأيكم
وافي ؟ خان المرجان؟
نبى نيلس نسولف
ما نبى السينما
نبى نحش
نبى نقرض
نبى نحس أن الدنيا بمشاكلها ما تودي
لكن تكفي يمعتنا
ها شو قلتوا؟
طبعا اتفقوا
قلت لهم صلوا المغرب و بعدين نطلع
بما أن خولة قريب من بيتنا
وقفت أنتظرها
أنا: نزلي يالله أنا في حوي بيتكم
و لحقي علي أخوج بيهد علي الببغاء مالكم
تراني حتى من الدياي أخاف
وين ببغاء
هي: وي حسبي الله عليه ..كنت أبى أشرد
من البيت عسب ما يشوفني
بيعطيني محاضرة وين سايرة
و لا اسيرون وافي اليوم ويكيند .. الخ
أنا: نزلي يدري بتطلعين وياي
ما يقول شيء
هي: واللي يخليج قوليله يذلف أبى أنزل
أنا: شو مهببة . . أكيد مطلعة القصة
و متسبحة في المكياج
هي: لا
بس تدرين يوم يصنفر
أنا: أف نزلي لا .. رشوي تتريا
ورانا درب لين بيتهم
تنزل الأميرة .. و هي تقرأ المعوذات
و آية الكرسي .. بس عسب أخوها ما ينط له عرج
و يغير رأيه
مرت كسحابة صيف .. ركبت السيارة
مطت الحزام
هي: أف ما فينا على تيت تيت مالج
أنا: ترى أخوج والله أليف
خولة: قارية سورة يس من شفت ويهة
: )
أتصل في رشا
أم براطم .. وصلت المنطقة الفلانية
يالله دليني بيتكم أي صوب
هاي حالتي دائما مع بيتهم
أضيع أضيع أضيع لين أوصل
أوصل فريجهم .. أشوف وحدة في الظلام
اتحرك يدها
رشا: شفتيني
أنا : هي شفتج .. حد ما يشوف هاي الرشاقة
بما أن رشا ماشاء الله صحتها بخير
يعني مب رشيقة
بس ماشاء الله
: )
هي: هاهاها .. خيستوني
تركب السيارة
أنا: نورتي يا رئيسة شعبة
و يطيح البوس و السلام
رشا: اليوم بنصيع صياعة .. فيني هفة
أحس أبى أخترب
خولة: شو سالفتنا اليوم
أنا: رمسة ترى .. جهزتوا البزنس كارد مالكم
اليوم بنرقم ها
: )
رشا: مرووووه .. حطي رقمي
على بطاقتج
أنا: لا لا .. ما يمشي
رشا: خولوووه .. حطي رقمي عيل
خولة: أف .. ماشيء اخاء في هاي السوالف يالله
ضحكنا حينها على مراهقتنا المتآخرة
أو عبطنا اللامحدود هذا اليوم
PART TWO
طبع فية .. اذا طلعت ويا رباعتي
ما أحب أسوق .. أحب أيلس و أسولف
و أتحرك و أسوي حشرة
هالمرة بما أني أسوق
بايعتنها بشرف
أسولف و أسولف و لا أنتبه
كنت شوي بلف على واحد
و تزاعج رشا بصوت عالي
مرووووووووووووووووووووووووووووووووووووووووووووووووووووووه
حاسبيييييييييييييييييييييييييييييييييييييييييييييييييييي
حاسسسسسسسسسسسسسسببببببييي
رشوه و يهد .. أشوف أشوف
و مناك ما أشوف .. بس سوالفنا
نستني كل شيء فيني
خلوني أذكر سوالف حلوة
و طبعا لا يخلو الحديث
عن شتم الرجال
: )
شتم نسائي بحت
و دائما عندما نصل لنقطة النهاية في الحديث
نقول
لو يكفخونا الريايل .. لو يلعنون سلسبيل الحرمة
لو يفشعون البنكرياس
يظلون ملح الحياة
أحلام العوانس
لابد أن تتحقق يوما ما
و حديثنا أيضا له عدة محاور
سياسية
في الدين
في الأمور التجارية
في الأمن
في حال المجتمع ككل
اذا سمعنا خبر
اذا سمعنا حالة طلاق
حالة زواج
على الخط
PART THREE
ندور في باركنات وافي
سياير كشخة
أرقام كشخة
بنتلي على رنج
على مازراتي
خولة: وي السوق حامي اليوم
أنا: شوفي شوفي هناك
رشا: هايل ياين يغازلون مب نحن
طاعي كيف تمشي .. طاعي اليبل اللي على راسها
طاعي ليش لابسه عباء بعد
شميت ريحة عطرها .. حتى لو الجامة مبندة
أنا: مول ما خرطي
بعد طول عناء حصلنا باركنج
دخلنا السنتر
خذينا لفة .. و كان فاضي
ماعدا لزقة اثنين لا و القهر رقمهم ثنائي حكومي
يعني يا هو يسفرنا
ولا نحن نسفره!
عيل الأمة اللي في الباركنج وينهم
قلت لهم نسير المطعم أحسن بدال اللف
خان المرجان
دشينا شفنا دنيا ثانية
عجب و الله عجب
شباب مسوين حزب و يشيشون
و صوب بنات يتعشون و ضرب شيشة
و صوب الوافدين مسوين لهم جو
حسيت بعمري في سوريا مب دبي
و حاطين فايزة أحمد
خولة: بنشيش بعد مب بس بنغازل
أنا: ارقصي بعد كان ترومين
رشا: مروووووووووه وين يايبتنا
أنا: شدراني جي .. أحيد أبوي كان يايب
العايلة الكريمة هني بس ما سرت وياهم
خولة: ياين على الغداء ..ما يوا على العشاء
أنا: أتقدم خطوتين .. لو سمحت ماشيء مكان برايفت
أو ماشيء تدخين
الويتر: أي لكننن .. هونيك
سرنا و يلسنا .. كأننا منبوذين عنهم
و بقربنا شلة بنات محترمات
أنا: خذوا نفس عميق ..عادي ..يالسات قريب
من منقبات .. نحن في آمان .. بس في خاطري
راس عنب
رشا: ها ها ها .. يالله طلبي عسب نتشجع
ونطلب
خولة: أنا أبى سلوم
أنا: قوه قوه أنتي
طلبنا العشاء
خدمتهم كانت سريعة و أكلهم لذيذ
محد عكر جونا و حديثنا عن السفرات
غير الرسام اللبناني
اللي مط الكرسي اللي عندنا و قال برسمكم
رشا بغت و نحن رفضنا
20 دقيقة
رسمها
طبعا هو يرسم ..و يتفلسف
قالي أنت شكلج 19 و نص
قلت له لا
أنا 14
قال مواطنة؟
قلت له بالتجنس
لك شو؟
بالتجنس
ريلي مواطن
و طبعا رباعتي يضحكون
و أنا جادة
: )
خولة من النوع اللي تقفط وايد
يعني جافة في رمستها
شوي ينقع البوكس بينها و بين الرسام
لولا تدخلاتي و تدخلات رشا
كنا بنكون فرجة
خولوووووووووو هدي هدي
خرب مود المغازل .. ما أبى أغازل خلاص
ها ها ها ها
نشوا بنطلع
طلعنا
ها وين العزم
نحلي
لا لا نسير السينما
سيري لا الساعة التسع
ما يستوي بنتأخر
خلاص نسير المرسى
سرنا المرسى
سرنا و شفنا الدنيا
شفنا أماكن ما شفناها
طلعنا من المرسى ..ضعنا في سكة ثانية
دنيا ثانية
والله لو مب نحن في الامارات
كان قلت ايطاليا
مبطلين مثل سكة كلها كافيهات
و مطاعم
و الأجانب راقدين فيه رقاد
و الجو رومانسي و روعة
: )
أطالع ويه خولة و رشا
و أقولهن مالت
23 سنة
مجابلتنكم
طالعوا الجو . . طالعوا الخضرة
طالعوا الكافيهات .. طالعوا البحر
يا الله
ترد علي خولة .. مروووه حفظي المكان
بني بعد هني نغازل
: )
بتغازلين من .. جون و لا جونثن و لا كومستكا
نسكت نحن الثلاث
و نسرح في الجو
و في المارة
لننتهي على شارع جميرا و الضيافة
العالم يطالعون فينا
و نحن في خبر كان
كنا اناقش موضوع جامد شوي
بس مستقبلا بيفيدنا وايد
: )
تن تن تان .. مسج من صديقتي
من شلتنا بس ما قدرت تطلع ويانا
Meraaaiw Where r u
5adooi 6al3eeN N’3aaZl N7n
: )
هيه طالعين نغازل
بس حليلنا استخدمنا مصطلحات مرفوضة مجتمعيا
بس حتى تكون الجلسة فكاهية
غازلنا و ردينا الى مضاجعنا
النهاية
كم نحن بريئات في عالم المغازلة
الأهم
ثلاثتنا فرجنا عن هموم بعض
و كل وحده بلغتها و بطريقتها
قال شو قال نغازل .. و مشغلين أناشيد في السيارة
: )
أو صامت
عذرا صديقاتي
أنتن في مركبتي
: )
!!
